Dick (Totò)

Tengo 'nu cane ch'è fenomenale, se chiama "Dick", 'o voglio bene assaie. Si perdere l'avesse? Nun sia maie! Per me sarebbe un lutto nazionale. Ll 'aggio crisciuto comm'a 'nu guaglione, cu zucchero, biscotte e papparelle; ll'aggio tirato su cu 'e mmullechelle e ll'aggio dato buona educazione. Gnorsì, mo è gruosso.è quase giuvinotto. Capisce tutto... Ile manca 'a parola. è cane 'e razza, tene bbona scola, è lupo alsaziano,è polizziotto. Chello ca mo ve conto è molto bello. In casa ha stabilito 'a gerarchia. Vo' bene ' a mamma ch'è 'a signora mia, e a figliemo isso 'o tratta da fratello. 'E me se penza ca lle songo 'o pate: si 'o guardo dinto a ll'uocchiemme capisce, appizza 'e rrecchie, corre, m'ubbidisce, e pe' fa' 'e pressa torna senza fiato. Ogn'anno, 'int'a ll'estate, va in amore, s'appecundrisce e mette 'o musso sotto. St'anno s'è 'nnammurato 'e na basotta ca nun ne vo' sapè: nun è in calore. Povero Dick, soffre 'e che manera! Porta pur'isso mpietto stu dulore: è cane, si ... . ma tene pure 'o core e 'o sango dinto 'e vvene... vo 'a mugliera... Traduzione Ho un cane che che è fenomenale si chiama Dick e gli voglio bene assai Se dovessi perderlo? Non sia mai! Per me sarebbe un lutto. L'ho cresciuto come un ragazzo con zucchero, biscotti e pappe; l'ho tirato su con le mollichine e gli ho dato una buona educazione. Signor sì, ora è grande, è quasi giovanotto, Capisce tutto...Gli manca la parola è cane di razza, ha fatto una buona scuola è un lupo alsaziano, un cane poliziotto. Quello che vi racconto è molto bello. In casa ho stabilito una gerarchia Vuole bene a mamma che è mia moglie e i miei figli li tratta da fratelli. Lui crede che sono il padre: se lo guardo negli occhi lui mi capisce raddrizza le orecchie, corre e mi ubbidisce, e per fare presto torna senza fiato. Ogni anno, quando è estate, va in amore si immalinconisce e mette il muso a terra. Quest'anno si è innamorato di una bassotta che non ne vuole sapere: non è in calore. Povero Dick: ne soffre molto! Porta pure lui in petto questo dolore: è cane si, ma ha anche lui un cuore gli scorre anche a lui il sangue nelle vene.... vuole una moglie!